الاسبوع اللي فات كان عندنا محاضرة في مادة من الدراسات العليا عن العلاقة بين التوتر والجسم، وحسيت إنها تلامس شي أعيشه كل يوم.
الدكتورة : الجسم يفرز هرمون التوتر بسرعة أكبر من اللي نتخيله، وأول عضو يتأثر غالبا هو الجلد
من ذاك اليوم صرت أنتبه لنفسي أكثر، خصوصا وأنا مرافقة والدتي للمستشفى. لاحظت اني أحك بدون ما أشعر، حتى قبل ما تجيني حكة فعلية.
جربت أوقف لحظة قبل الحك وأسأل نفسي هل هذا توتر أو حكة حقيقية. مو دايما أقدر أفرق، بس صار عندي انتباه أكثر للحظة اللي قبل الحك.
حد فيكم لاحظ نفس الشي وقت الضغط، حتى لو ما فيه سبب واضح للحكة؟