Ang dami talagang nangyayari ngayong buwan!
May job interview ako sa susunod na linggo, tapos may kasal pa ng officemate ko halos kasabay. Puno na yung isip ko, pero parang kahit di ko sinasabi, ramdam din ng balat ko yung stress.
Tuwing gabi bago matulog, naiisip ko yung mga posibleng tanong sa interview. Tapos bigla na lang makati yung braso ko, doon mismo sa crook, kung saan dati talaga lumalabas ang rashes noon.
Minsan yun bang pakiramdam na habang tumutuloy ang buhay ng iba, ako parang naka-freeze lang dito. Kasal, promotion, bagong trabaho, meron silang nangyayari. Ako, nag-aalala pa rin kung ano isusuot sa kasal na di halata ang peklat, at kung papasa sa interview kahit di masyadong okay sa loob.
Sabi ko sa sarili ko, ‘kaya mo yan, konti na lang’
pero minsan hindi ko na alam kung totoo ba yun o sinasabi ko lang para gumaan ang pakiramdam.
Gusto ko ring balikan yung biyolin ko kasi dati yun ang stress reliever ko, pero wala akong lakas o oras para dito ngayon. Parang lahat sabay-sabay na dumagan sa akin.
Basta ‘pagod’ talaga ako ngayon, yung klaseng pagod na hindi nawawala kahit matulog ka nang matagal.
