Kagabi, pagkatapos matulog ang mga bata, hinugot ko ulit ang gitara ko sa sulok ng kwarto. Matagal ko nang gustong subukan gumawa ng maikling recording gamit lang ang phone.
Dati kasi lagi akong natitigilan, minsan pagod sa trabaho, minsan natatakot na lang na baka hindi maganda ang lalabas kaya ayaw kong ituloy.
Kagabi sinubukan ko na rin. Mali-mali pa rin ang daliri ko sa ilang parte, may buzz pa nga sa strings kasi matagal na rin itong hindi nagagalaw, pero natapos ko rin ang piyesa kahit simple lang.
Kinakabahan pa nga ako baka magising ang mga anak ko habang nire-record, pero tahimik naman pala buong bahay. Nasa phone ko na lang ngayon yung file, hindi ko pa alam kung ano gagawin ko pa dito.