Halos buong araw akong nakaupo dahil work from home ang trabaho ko, at matagal na rin akong nahihirapang matulog sa gabi.
Sinubukan kong maglagay ng alarm sa phone tuwing 50 minuto, para tumayo saglit, mag-stretch, o maglakad papunta sa kusina. Simple lang naman po, walang partikular na exercise, basta gumagalaw lang ako saglit.
Isang buwan ko na itong ginagawa. Mas mabilis na akong napapagod pagdating ng gabi kumpara noon. Dati kahit alas-11 ng gabi gising na gising pa rin ako, ngayon medyo mas madali nang pumikit!
Minsan habang nakatayo doon rin ako naguguhit ng konti sa notebook bago bumalik sa trabaho. Maliit na bagay lang pero malaki rin pala ang naitulong nito sa akin.