Halos isang buwan na akong nag-eempake dahil lilipat kami sa mas maliit na unit, kaya gabi-gabi puro kahon ang laman ng utak ko. Buong araw nakaupo lang ako sa WFH, tapos gabi na, hindi pa rin mapatigil ang isip ko.
Nitong nakaraang 2 linggo, sinubukan kong mag-guhit muna sa sketchbook bago ituloy ang pag-eempake, kesa deretso na sa mga kahon hanggang mahuli ang gabi. Mga 15 minuto lang. Nagulat nga ako kasi mas mabilis akong nakakatulog nung mga gabing ginagawa ko ito! Pero hindi ko pa rin masigurado kung epekto talaga ng guhit o dahil na lang sa pagod.
May ganito rin po ba kayong nasubukan, mga ka-thread? Paano niyo po nasisiguro kung talagang tumutulong iyon at hindi lang dahil sa pagod?