Kasama ko na naman kahapon si Mama sa clinic, ilang beses na rin kami dito ngayong buwan. Dati sobrang haba ng oras namin doon kasi lagi akong nakakalimot sa itatanong, minsan naiisip ko na lang pag nasa labas na kami. Kaya ngayon bago kami umalis, sinusulat ko muna sa papel ang mga sintomas niya, mga gamot niyang iniinom, at mga tanong ko sa doktor.
Grabe ang bilis ng usapan namin sa loob ngayon! Diretso lang sa punto, wala nang paikot-ikot pa. Hindi ko na rin kailangan tumawag ulit para lang magtanong ng nakalimutan ko kanina.