ਇਸ ਹਫ਼ਤੇ ਵੀ ਨੀਂਦ ਵਾਰ ਵਾਰ ਟੁੱਟਦੀ ਰਹੀ। ਰਾਤ ਨੂੰ ਅੱਖ ਖੁੱਲ੍ਹ ਜਾਂਦੀ, ਫਿਰ ਸੌਣਾ ਔਖਾ ਹੋ ਜਾਂਦਾ। ਸਵੇਰੇ ਥੱਕੀ ਹੋਈ ਉੱਠਦੀ ਤੇ ਸਿਰ ਭਾਰੀ ਭਾਰੀ ਲੱਗਦਾ ਰਹਿੰਦਾ। ਦਫ਼ਤਰ ਦਾ ਕੰਮ ਵਧਿਆ ਹੋਇਆ ਹੈ, ਮੋਢਿਆਂ ਤੇ ਗਰਦਨ ਚ ਅਕੜਾਅ ਜਿਹਾ ਰਹਿੰਦਾ। ਵਿਚਕਾਰ ਪੇਟ ਵੀ ਗੜਬੜ ਹੋ ਗਿਆ, ਕੁਝ ਦਿਨ ਖਾਣ ਨੂੰ ਦਿਲ ਨਹੀ ਕਰਦਾ ਸੀ।
ਇੱਕ ਸ਼ਾਮ ਬੱਚੇ ਸੌਂ ਗਏ ਤਾਂ ਖਰਚੇ ਵਾਲੀ ਕਾਪੀ ਖੋਲ੍ਹ ਕੇ ਬਹਿ ਗਈ, ਹਿਸਾਬ ਫਿਰ ਵੀ ਪੂਰਾ ਨਹੀ ਬੈਠਿਆ। ਪਰ ਲਿਖਣਾ ਹੀ ਥੋੜ੍ਹਾ ਸੁਕੂਨ ਦੇ ਗਿਆ। ਸਕੈਚ ਬੁੱਕ ਵੱਲ ਹਫ਼ਤੇ ਭਰ ਹੱਥ ਨਹੀ ਗਿਆ, ਓਹ ਗੱਲ ਮਨ ਚ ਖਟਕਦੀ ਰਹੀ।
ਅਗਲੇ ਹਫ਼ਤੇ ਇੱਕ ਗੱਲ ਅਜ਼ਮਾਉਣੀ ਹੈ
– ਫ਼ੋਨ ਪਾਸੇ ਰੱਖ ਕੇ ਥੋੜ੍ਹਾ ਪਹਿਲਾਂ ਲੇਟ ਜਾਣਾ
ਵੇਖਦੇ ਹਾਂ ਨੀਂਦ ਤੇ ਕੋਈ ਫ਼ਰਕ ਪੈਂਦਾ ਹੈ ਕਿ ਨਹੀ।