ਇਸ ਹਫ਼ਤੇ ਦਾ ਹਿਸਾਬ ਲਿਖ ਰਹੀ ਹਾਂ।
7 ਵਿੱਚੋਂ 5 ਰਾਤਾਂ ਖਾਰਿਸ਼ ਕਰਕੇ ਨੀਂਦ ਟੁੱਟੀ, ਦੋ-ਤਿੰਨ ਵਾਰ ਤਾਂ 3 ਵਜੇ ਦੇ ਬਾਅਦ ਹੀ ਅੱਖ ਲੱਗੀ।
ਆਟਾ ਗੁੰਨ੍ਹਦੇ ਵੇਲੇ ਹੱਥਾਂ ਦੀ ਚਮੜੀ ਦੋ ਥਾਵਾਂ ਤੋਂ ਫਟ ਗਈ। ਭਾਂਡੇ ਮਾਂਜਣ ਵੇਲੇ ਮੈਂ ਨੇ ਦਸਤਾਨੇ ਪਾਉਣੇ ਸ਼ੁਰੂ ਕੀਤੇ, ਥੋੜ੍ਹਾ ‘ਫ਼ਰਕ’ ਲੱਗਿਆ।
ਘਰ ਵਾਲਿਆਂ ਨੇ ਖਾਣੇ ਬਾਰੇ ਤਿੰਨ ਵੱਖ-ਵੱਖ ਸਲਾਹਾਂ ਦਿੱਤੀਆਂ, ਹਾਲੇ ਕਿਸੇ ਇੱਕ ਤੇ ਨਹੀਂ ਟਿਕੀ।
ਬਾਹਾਂ ਦੇ ਦਾਗ ਪਹਿਲਾਂ ਵਰਗੇ ਹੀ ਹਨ, ਭੂਆ ਦੇ ਘਰ ਜਾਣਾ ਸੀ ਤਾਂ ਮੈਂ ਨੇ ਪੂਰੀਆਂ ਬਾਹਾਂ ਵਾਲਾ ਸੂਟ ਹੀ ਪਾਇਆ।
ਹਾਰਮੋਨੀਅਮ ਦੀ ਪ੍ਰੈਕਟਿਸ ਵੀ ਸੱਤਾਂ ਵਿੱਚੋਂ ਦੋ ਦਿਨ ਹੀ ਹੋਈ, ਨੀਂਦ ਪੂਰੀ ਨਾ ਹੋਣ ਕਰਕੇ ਸਵੇਰੇ ਹੱਥ ਨਹੀਂ ਚੱਲੇ।
ਅਗਲੇ ਹਫ਼ਤੇ ਨਹਾਉਣ ਤੋਂ 5 ਮਿੰਟਾਂ ਦੇ ਅੰਦਰ ਹੀ ਕਰੀਮ ਲਾ ਕੇ ਵੇਖਣਾ ਹੈ, ਦੇਰ ਕਰਕੇ ਲਾਉਂਦੀ ਸਾਂ ਸ਼ਾਇਦ ਇਸੇ ਕਰਕੇ।