ਕੁਝ ਦਿਨਾਂ ਤੋਂ ਸੌਣ ਤੋਂ ਪਹਿਲਾਂ ਮੋਢੇ ਤੇ ਗਰਦਨ ਥੋੜ੍ਹਾ ਖਿੱਚਣ ਲੱਗੀ ਹਾਂ। ਦਫ਼ਤਰ ਦਾ ਕੰਮ ਐਨਾ ਵਧ ਗਿਆ ਹੈ ਕਿ ਮੋਢੇ ਹਰ ਵੇਲੇ ਅਕੜੇ ਰਹਿੰਦੇ, ਗਰਦਨ ਵੀ ਭਾਰੀ ਲੱਗਦੀ ਰਹਿੰਦੀ।
ਕੱਲ੍ਹ ਰਾਤ ਬੱਚੇ ਸੌਂ ਗਏ ਪਿੱਛੋਂ ਬਿਸਤਰੇ ਤੇ ਹੀ ਮੋਢੇ ਥੋੜ੍ਹਾ ਘੁਮਾਏ, ਪਹਿਲਾਂ ਨਾਲੋਂ ਥੋੜ੍ਹਾ ਸੌਖਾ ਲੱਗਿਆ… ਪਰ ਅੱਖ ਫਿਰ ਵੀ ਵਿਚਾਲੇ ਖੁੱਲ੍ਹ ਗਈ, ਸਵੇਰੇ ਉੱਠਦਿਆਂ ਸਿਰ ਭਾਰੀ ਹੀ ਸੀ।
ਪੇਟ ਵੀ ਠੀਕ ਨਹੀਂ ਸੀ ਲੱਗ ਰਿਹਾ, ਦਫ਼ਤਰ ਜਾਣ ਲਈ ਤਿਆਰ ਹੁੰਦੇ ਹੁੰਦੇ ਹੀ ਥੱਕ ਗਈ ਸੀ।
ਅੱਜ ਰਾਤ ਫੇਰ ਉਹੀ ਕਰਨਾ ਹੈ, ਕੁਝ ਦਿਨ ਲਗਾਤਾਰ ਕਰਕੇ ਵੇਖਣਾ। ਬੱਚਿਆਂ ਨੂੰ ਸੰਭਾਲਦੇ ਦਫ਼ਤਰ ਦਾ ਭਾਰ ਵੀ ਸਾਂਭਣਾ ਸੌਖਾ ਨਹੀਂ, ਪਰ ਐਨਾ ਤਾਂ ਕਰ ਹੀ ਸਕਦੀ ਹਾਂ ਜੀ।