ਮੋਢੇ ਦੀ ਅਕੜਾਅ ਲਈ ਵੀਡੀਓ ਤੋਂ ਸਿੱਖੀ ਗੱਲ

ਦਫ਼ਤਰ ਚ ਬੈਠੇ ਬੈਠੇ ਗਰਦਨ ਤੇ ਮੋਢਿਆਂ ‘ਚ ਅਕੜਾਅ ਬਹੁਤ ਵਧ ਗਿਆ ਸੀ। 2 ਦਿਨ ਪਹਿਲਾਂ ਇੱਕ ਵੀਡੀਓ ‘ਚ ਸੌਖਾ ਖਿਚਾਅ ਦੇਖਿਆ – ਕੁਰਸੀ ‘ਤੇ ਬੈਠੇ ਬੈਠੇ ਹੀ ਗਰਦਨ ਨੂੰ ਹੌਲੀ ਹੌਲੀ ਦੋਹੀਂ ਪਾਸੀਂ ਘੁਮਾਉਣਾ, ਫੇਰ ਮੋਢੇ ਉੱਪਰ ਚੁੱਕ ਕੇ ਛੱਡਣੇ। ਮੈਂ 3 ਦਿਨ ਤੋਂ ਇਹ ਕਰ ਰਹੀ ਹਾਂ, ਦਿਨ ‘ਚ 2 ਵਾਰ, ਹਰ ਵਾਰ 5 ਮਿੰਟ। ਅਕੜਾਅ ਥੋੜ੍ਹਾ ਘੱਟ ਲੱਗਦਾ, ਪਰ ਰਾਤ ਨੂੰ 3 ਵਜੇ ਅੱਖ ਹਾਲੇ ਵੀ ਖੁੱਲ੍ਹ ਜਾਂਦੀ ਹੈ। 2 ਗੱਲਾਂ ਲਿਖਦੀ ਹਾਂ ਜੋ ਧਿਆਨ ‘ਚ ਆਈਆਂ –
– ਖਿਚਾਅ ਪਿੱਛੋਂ ਮੋਢੇ ਹਲਕੇ ਲੱਗਦੇ, ਸਿਰ ਭਾਰੀਪਣ ਓਵੇਂ ਹੀ ਰਹਿੰਦਾ
– ਖਰਚਾ-ਖਾਤਾ ਲਿਖਣ ਵੇਲੇ ਵੀ ਮੋਢੇ ਅਕੜ ਜਾਂਦੇ, ਓਦੋਂ ਵੀ ਇਹੀ ਖਿਚਾਅ ਕਰ ਲੈਂਦੀ ਹਾਂ
ਸਕੈਚ ਬੁੱਕ ਖੋਲ੍ਹਣ ਦਾ ਵੇਲਾ ਹਾਲੇ ਨਹੀਂ ਲੱਭਿਆ, ਪਰ ਇਹ ਛੋਟਾ ਜਿਹਾ ਖਿਚਾਅ ਰੋਜ਼ ਦੀ ਆਦਤ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹਾਂ। ਕਿਸੇ ਹੋਰ ਨੇ ਵੀ ਇਹੋ ਜਿਹਾ ਕੁਝ ਅਜ਼ਮਾਇਆ ਹੋਵੇ ਤਾਂ ਦੱਸਿਓ ਜੀ।