ਕੱਲ੍ਹ ਰਾਤ ਇੱਕ ਵੀਡੀਓ ਦੇਖੀ, ਓਸ ‘ਚ ਦੱਸਿਆ ਗਿਆ ਸੀ ਕਿ ਸੌਣ ਤੋਂ ਥੋੜ੍ਹਾ ਪਹਿਲਾਂ ਫ਼ੋਨ ਸਿਰਹਾਣੇ ਕੋਲੋਂ ਹਟਾ ਕੇ ਦੂਜੇ ਕਮਰੇ ‘ਚ ਰੱਖ ਦੇਣਾ ਚਾਹੀਦਾ, ਨਹੀਂ ਤਾਂ ਨੀਂਦ ਵਿੱਚੇ ਵਿੱਚ ਟੁੱਟਦੀ ਰਹਿੰਦੀ।
ਮੈਂ ਵੀ ਕੀਤਾ, ਫ਼ੋਨ ਬਾਹਰ ਰੱਖ ਦਿੱਤਾ ਤੇ ਲਾਈਟ ਵੀ ਬੰਦ ਕਰ ਦਿੱਤੀ। ਮੈਨੂੰ ਥੋੜ੍ਹਾ ਸੌਖਾ ਲੱਗਿਆ ਸੀ, ਪਰ ਵਿਚਾਲੇ ਫੇਰ ਅੱਖ ਖੁੱਲ੍ਹ ਗਈ, ਸ਼ਾਇਦ ਦਫ਼ਤਰ ਦਾ ਕੰਮ ਦਿਮਾਗ ‘ਚੋਂ ਸੌਖਿਆਂ ਨਹੀਂ ਨਿਕਲਦਾ।
ਸਵੇਰੇ ਫੇਰ ਵੀ ਸਿਰ ਭਾਰੀ ਸੀ, ਮੋਢੇ ‘ਚ ਵੀ ਓਹੀ ਅਕੜਾਅ ਸੀ। ਖਰਚਾ-ਖਾਤਾ ਵੀ ਰਾਤੀਂ ਲਿਖਣ ਬੈਠੀ ਸੀ ਪਰ ਵਿਚਾਲੇ ਹੀ ਛੱਡ ਦਿੱਤਾ, ਅੱਖਾਂ ਬੰਦ ਹੋਣ ਲੱਗ ਪਈਆਂ।
ਫੇਰ ਵੀ ਲਗਦਾ ਹੈ ਕਿ ਇਹ ਨੁਕਤਾ ਅਜ਼ਮਾਉਂਦੀ ਰਹਾਂਗੀ, ਐਵੇਂ ਛੇਤੀ ਫ਼ਰਕ ਨਹੀਂ ਪੈਣਾ।