ਦੋ ਮਹੀਨਿਆਂ ਤੋਂ ਬਾਹਾਂ ਤੇ ਗਰਦਨ ‘ਤੇ ਖੁਜਲੀ ਵਧਦੀ ਜਾ ਰਹੀ ਹੈ।
ਰਾਤ ਨੂੰ ਸੌਂਦਿਆਂ-ਸੌਂਦਿਆਂ ਅੱਖ ਖੁੱਲ ਜਾਂਦੀ ਹੈ, ਫੇਰ ਨੀਂਦ ਨਹੀਂ ਆਉਂਦੀ।
12 ਦਿਨ ਪਹਿਲਾਂ ਸੋਚਿਆ ਕੁਝ ਤਾਂ ਕਰਨਾ ਚਾਹੀਦਾ ਹੈ, ਬਸ ਖੁਰਕਦੇ ਰਹਿਣ ਨਾਲ ਗੱਲ ਨਹੀਂ ਬਣਨੀ।
ਪੁਰਾਣੇ ਬਜ਼ਾਰ ਤੋਂ 90 ਰੁਪਏ ਦੀ ਨਾਰੀਅਲ ਤੇਲ ਦੀ ਸ਼ੀਸ਼ੀ ਲਿਆਂਦੀ, ਹਿਸਾਬ ਵਾਲੀ ਕਾਪੀ ‘ਚ ਲਿਖ ਵੀ ਲਿਆ।
ਰੋਜ਼ ਰਾਤੀਂ ਸੌਣ ਤੋਂ ਪਹਿਲਾਂ ਬਾਹਾਂ ਤੇ ਗਰਦਨ ‘ਤੇ ਲਾਉਂਦੀ ਹਾਂ।
ਪਹਿਲਾਂ ਰਾਤ ਨੂੰ 2-3 ਵਾਰ ਖੁਜਲੀ ਨਾਲ ਅੱਖ ਖੁੱਲਦੀ ਸੀ, ਹੁਣ ਇੱਕ ਵਾਰ ਦੇ ਲਾਗੇ ਰਹਿ ਗਈ ਹੈ।
ਪਰ ਸਵੇਰੇ ਭਾਂਡੇ ਮਾਂਜਣ ਤੇ ਸਿਲਾਈ ਕਰਨ ਲੱਗਿਆਂ ਹੱਥਾਂ ਦੀ ਚਮੜੀ ਓਵੇਂ ਹੀ ਖੁਸ਼ਕ ਹੋ ਜਾਂਦੀ ਹੈ।
ਸ਼ਾਇਦ ਹੱਥਾਂ ਲਈ ਕੋਈ ਵੱਖਰੀ ਚੀਜ਼ ਲੱਭਣੀ ਪਵੇਗੀ।
ਪੱਕਾ ਨਹੀਂ ਕਹਿ ਸਕਦੀ ਤੇਲ ਕਰਕੇ ਹੀ ਹੋਇਆ ਜਾਂ ਐਵੇਂ, ਪਰ 12 ਦਿਨ ਦਾ ਹਾਲ ਲਿਖ ਦਿੱਤਾ।
ਕਿਸੇ ਹੋਰ ਦਾ ਵੀ ਇਹੋ ਜਿਹਾ ਤਜਰਬਾ ਹੋਇਆ ਹੋਣਾ, ਪਤਾ ਨੀ 🙏