ਪਿਛਲੇ ਤਿੰਨ ਹਫ਼ਤਿਆਂ ਤੋਂ ਦਫ਼ਤਰ ਦਾ ਕੰਮ ਬਹੁਤ ਵਧ ਗਿਆ ਹੈ।
ਰਾਤ ਨੂੰ ਸੌਂਦੀ ਹਾਂ ਤਾਂ ਵੀ ਦੋ-ਤਿੰਨ ਵਾਰ ਅੱਖ ਖੁੱਲ੍ਹ ਜਾਂਦੀ ਹੈ, ਫਿਰ ਦੁਬਾਰਾ ਨੀਂਦ ਆਉਣ ਵਿੱਚ ਬਹੁਤ ਵੇਲਾ ਲੱਗਦਾ ਹੈ। ਸਵੇਰੇ ਉੱਠਦੀ ਹਾਂ ਤਾਂ ਥੱਕੀ ਹੋਈ ਹੁੰਦੀ ਹਾਂ, ਸਾਰਾ ਦਿਨ ਸਿਰ ਭਾਰੀ ਲੱਗਦਾ ਰਹਿੰਦਾ ਹੈ।
ਇਸ ਦੇ ਨਾਲ-ਨਾਲ:
– ਮੋਢਿਆਂ ਤੇ ਗਰਦਨ ਵਿੱਚ ਅਕੜਾਅ ਜਿਹਾ ਰਹਿੰਦਾ ਹੈ
– ਕਦੇ ਕਦੇ ਪੇਟ ਵੀ ਠੀਕ ਨਹੀਂ ਰਹਿੰਦਾ
– ਸ਼ਾਮ ਤੱਕ ਥਕਾਵਟ ਇੰਨੀ ਹੋ ਜਾਂਦੀ ਹੈ ਕਿ ਕੁਝ ਕਰਨ ਨੂੰ ਦਿਲ ਨਹੀਂ ਕਰਦਾ
ਪਹਿਲਾਂ ਖਾਲੀ ਵੇਲੇ ਥੋੜ੍ਹਾ ਬਹੁਤ ਸਕੈਚ ਕਰ ਲੈਂਦੀ ਸੀ, ਓਦੋਂ ਥੋੜ੍ਹਾ ਸੁਕੂਨ ਮਿਲ ਜਾਂਦਾ ਸੀ। ਹੁਣ ਦੋ ਮਹੀਨਿਆਂ ਤੋਂ ਸਕੈਚ ਬੁੱਕ ਖੋਲ੍ਹਣ ਦਾ ਵੇਲਾ ਹੀ ਨਹੀਂ ਲੱਭਦਾ। ਬੱਚਿਆਂ ਦਾ ਕੰਮ, ਦਫ਼ਤਰ ਦਾ ਕੰਮ, ਵਿਚਕਾਰ ਕੁਝ ਵੀ ਆਪਣੇ ਲਈ ਨਹੀਂ ਬਚਦਾ।
ਸਹੇਲੀ ਨੇ ਕਿਹਾ ਕਿ ਸੌਣ ਤੋਂ ਪਹਿਲਾਂ ਮੋਬਾਈਲ ਬੰਦ ਕਰ ਦਿਓ, ਕੋਸ਼ਿਸ਼ ਕੀਤੀ ਪਰ ਬਹੁਤਾ ਫ਼ਰਕ ਨਹੀਂ ਪਿਆ।
ਤੁਹਾਡੇ ਵਿੱਚੋਂ ਕਿਸੇ ਨੂੰ ਵੀ ਇਸ ਤਰ੍ਹਾਂ ਹੁੰਦਾ ਹੈ? ਕੰਮ ਦਾ ਤਣਾਓ ਵਧਣ ਤੇ ਨੀਂਦ ਖ਼ਰਾਬ ਹੋ ਜਾਵੇ ਤਾਂ ਤੁਸੀਂ ਕੀ ਕਰਦੇ ਹੋ, ਕੋਈ ਤਰੀਕਾ ਹੋਵੇ ਤਾਂ ਦੱਸ ਸਕਦੇ ਹੋ ਜੀ?