ਖਰਚਾ-ਖਾਤਾ ਫਿਰ ਤੋਂ ਲਿਖਣਾ ਸ਼ੁਰੂ ਕੀਤਾ ਸੀ ਪਰ ਮਹੀਨੇ ਦੇ ਅੰਤ ‘ਚ ਹਿਸਾਬ ਫਿਰ ਵੀ ਨਹੀਂ ਬਹਿੰਦਾ ਸੀ। ਇਸ ਵਾਰ ਇੱਕੋ ਕਾਲਮ ‘ਚ ਲਿਖਣ ਦੀ ਬਜਾਏ ਵੰਡ ਕੇ ਲਿਖਿਆ —
– ਘਰ ਦਾ ਰਾਸ਼ਨ
– ਬੱਚਿਆਂ ਦਾ ਸਕੂਲ ਤੇ ਸਨੈਕਸ
– ਆਉਣ-ਜਾਣ ਦਾ ਖਰਚਾ
– ਬਾਕੀ ਛੋਟੀਆਂ-ਛੋਟੀਆਂ ਚੀਜ਼ਾਂ
ਸਾਫ਼ ਪਤਾ ਲੱਗਾ ਕਿ ਸਭਤੋਂ ਵੱਧ ਖਰਚਾ ਸਨੈਕਸ ਤੇ ਛੋਟੀਆਂ-ਛੋਟੀਆਂ ਚੀਜ਼ਾਂ ‘ਚ ਜਾਂਦਾ ਸੀ, ਜਿਹੜਾ ਕਦੇ ਯਾਦ ਵੀ ਨਹੀਂ ਰਹਿੰਦਾ। ਰਾਸ਼ਨ ਤੇ ਆਉਣ-ਜਾਣ ਦਾ ਖਰਚਾ ਤਾਂ ਸਾਫ਼ ਲਿਖਿਆ ਜਾਂਦਾ ਸੀ, ਬਾਕੀ ਵਾਲਾ ਹਿੱਸਾ ਹੀ ਗੁੰਮ ਹੁੰਦਾ ਸੀ।
ਦਫ਼ਤਰ ਦਾ ਕੰਮ ਵਧਣ ਕਰਕੇ ਸ਼ਾਮ ਨੂੰ ਲਿਖਣ ਦਾ ਮਨ ਨਹੀਂ ਕਰਦਾ, ਇਸ ਲਈ ਹੁਣ ਖਰਚ ਕਰਦੇ ਸਾਰ ਫੋਨ ‘ਚ ਛੋਟਾ ਨੋਟ ਲਿਖ ਲੈਂਦੀ ਹਾਂ। ਪੂਰਾ ਹਿਸਾਬ ਤਾਂ ਹਾਲੇ ਵੀ ਨਹੀਂ ਬਹਿੰਦਾ, ਪਰ ਕਿੱਥੇ ਜਾਂਦਾ ਹੈ ਇਹ ਘੱਟੋ-ਘੱਟ ਸਾਫ਼ ਹੋ ਗਿਆ!